الثلاثاء، 30 ديسمبر 2008

صوت الأمل(غزه)

البندقيه فى ايد بطل
بتشد اهداب الحياه
يخرج عيار الشوق يزغرد
يهتف يعيش رافع الجباه
البندقيه فى ايد بطل
شعاع ينور للنجاه
نحلم بيوم يصبح سعيد
ندعى ونكبر للاله
والساقيه تروى بدمنا
تطرح عيدان السنبله
مليون شهيد مليون بطل
بيسبحوا بلأسم الاله
ويغنوا ليكى يا مؤمنه
يا طيبه يا حنينه
يا قدس يا نور الامل
وتعيشى مقبرة الطغاه
يا قدس مهما الليل يطول
هتعودى بالفجر السعيد
لو راح فى حبك كام بطل
لو مات فى عشقك كام شهيد
مهر العروسه هندفعه
وتغنى للفجر الجديد
الاقصى راجع عندنا
والحنه دى دم الشهيد
والحنه دى دم الشهيد








هناك 3 تعليقات:

romansy يقول...

اول تعليق


على الكلمات الجميله


ل


رومانسى

romansy يقول...

مليون شهيد مليون بطل
بيسبحوا بلأسم الاله
ويغنوا ليكى يا مؤمنه
يا طيبه يا حنينه
يا قدس يا نور الامل
وتعيشى مقبرة الطغاه
يا قدس مهما الليل يطول
هتعودى بالفجر السعيد
لو راح فى حبك كام بطل
لو مات فى عشقك كام شهيد
مهر العروسه هندفعه
وتغنى للفجر الجديد
الاقصى راجع عندنا
والحنه دى دم الشهيد
والحنه دى دم الشهيد


الله على الكلام دا فيه اصرار ان شاء الله القدس هتبقى مقبره الغزاه
ونصلى فيها بدون قيود
وبدون حرس

IIOrganzAII يقول...

اااااااااااااه


كلمات أكثر من روووووعة

بجد تسلم ايدك كتييييييير





ليالي قمر