حب مات

يالى كنت زمان حبيبى

قولى اية اخرت هواك

من زمان منتاش داريبى

والغرام احتار معاك

تملى تقسى وتنسى انى

بعت عمرى عشان رضاك

قولى اية هى الحكاية

قولى اية اخرت جفاك

لما طبعك فى الملاوعة

الجفا ويا الخصام

ازاى يكون معنى الحنان

اية يكون طبع الغرام

والعيون الحلوة تعرف

الف معنى للهيام

عود يا حبى لحضن قلبك

البعاد والله حرام

قلبى يالى هربت منى

لجل حبى الغالى عود

لية سرقت الفرحة منى

لية تلاوع فى الوعود

لية تزود فى العناد

صبر قلبى لية حدود

امانة يالى اختارة قلبى

قولى امتى راح تعود

تملى اسهر جنب طيفك

اسمع كلام وامنيات

عن غرامى لقلب قاسى

عن حكاية حب مات

معدش ليا غير خيالة

غير شوية زكريات

والنهردة لما ترجع

راح يكون الحب مات .